ကိုသားညွန့်ဦး

မြန်မာနိုင်ငံ အနောက်ခြမ်း ရခိုင်ပြည်နယ်အတွင်း ပဋိပက္ခဖြစ်ခဲ့တဲ့ လူမှုအသိုင်းအ၀ိုင်း နှစ်ခုကို ခွဲခြားထားတဲ့ မူဝါဒကြောင့်၊ မူဆလင် လူမှုအသိုင်းအ၀ိုင်းတွေအတွက် ကျန်းမာရေး စောင့်ရှောက်မှု အားနည်းလာပြီး ထိခိုက်မှုတွေ ရှိလာနေတယ်လို့ MSF နယ်ခြားမဲ့ ဆရာဝန်များအဖွဲ့က ထုတ်ပြန်ပါတယ်။
MSF မြန်မာဌာနေအဖွဲ့ဟာ အဲ့ဒီဒုက္ခသည်တွေကို အကူအညီ ပေးလျက်ရှိရာမှာ၊ သူတို့ ကြုံတွေ့ သိမြင်ရတဲ့ အခြေအနေတွေအပေါ်မှာ အခုလို ထုတ်ပြန် ပြောဆိုတာ ဖြစ်ပါတယ်။ ဒီသတင်း အပြည့်အစုံကို ကိုသားညွန့်ဦးက တင်ပြထားပါတယ်။
MSF အဖွဲ့အနေနဲ့ မကြာသေးခင်က ပဋိပက္ခတွေကြောင့် တိမ်းရှောင်နေရတဲ့ ဒုက္ခသည်စခန်းတွေနဲ့ ပဋိပက္ခဖြစ်ခဲ့တဲ့ ဒေသတွေကို သွားရောက်ခဲ့ပြီး၊ သူတို့ တွေ့ရှိချက်တွေအရ အဲ့ဒီမှာ ကျေးရွာအချို့ဟာ ကျန်းမာရေး စောင့်ရှောက်မှု အပါအ၀င် အခြေခံ ၀န်ဆောင်မှုတွေ ဖြတ်တောက်ထား ခံရသလိုဖြစ်ပြီး၊ ကျေးရွာတွင်းနေ ပြည်သူတွေကိုလည်း သွားရေး လာရေးကအစ ပိတ်ပင်မှုတွေ ဖြစ်နေတယ်ဆိုတာကို တွေ့ရှိရတယ်လို့ MSF က ထုတ်ပြန်ထားပါ။
အာဏာပိုင်တွေဘက်က သွားရေးလာရေး တားမြစ်ကန့်သတ်မှုတွေ ရှိသလို၊ အချို့ကလည်း သူတို့ ကိုယ်တိုင် အပြင်ထွက် သွားလာဖို့ စိုးရိမ်ကြောက်လန့် နေကြတယ်လို့ MSF က ပြောပါတယ်။

ဒီအခြေအနေဟာ ကျန်းမာရေး အခြေအနေအပေါ်မှာပါ သက်ရောက်မှုတွေ ရှိလာတယ်လို့ MSF ရန်ကုန်ရုံးက ဒုတိယအကြီးအကဲ ဗစ်ကီ ဟော့ကင်း (Vickie Hawkins) က ဗွီအိုအေ မြန်မာပိုင်းကို ပြောပါတယ်။
“ဒီမူဝါဒကြောင့် ကျန်းမာရေး စောင့်ရှောက်မှု အစီအစဉ်တွေကို ထိခိုက် သက်ရောက်တဲ့အပေါ်မှာ ကျမတို့ စိုးရိမ်ပူပင်မိပါတယ်။ အားလုံးသိတဲ့အတိုင်း ပဋိပက္ခကြောင့် ရခိုင်ပြည်နယ်တွင်းမှာ ထွက်ပြေး တိမ်းရှောင်နေရတဲ့ ဒုက္ခသည်တွေဟာ ၁ သိန်း ၄ သောင်းလောက် ခန့်မှန်းချေ ရှိပါတယ်။ ဒီလို ဒုက္ခသည်တွေအပြင် သွားလာမရအောင် ကျေးရွာတွေမှာ ပိတ်ခံထားရတဲ့ လူတွေလည်း ရှိပါတယ်။ သူတို့ဟာ ပြီးခဲ့တဲ့ ဇွန်လကတည်းကဆိုရင် အခြေခံ လိုအပ်ချက် ၀န်ဆောင်မှုတွေ မရကြတော့ပါဘူး။ ဒါဟာ ကျန်းမာရေးအတွက် စိုးရိမ်စရာ အခြေအနေပါ။ သားဖွားဆရာမတွေ မရတော့သလို ဆေးရုံ ဆေးခန်းတွေကိုလည်း သွားလို့ မရ ဖြစ်နေပါတယ်။ အထူးသဖြင့်တော့ အရေးပေါ် အခြေအနေမှာ မြို့နယ်ဆေးရုံတွေကိုပါ ဆက်သွယ်လို့မရတော့တာပါ။”
မြန်မာအစိုးရအနေနဲ့ ဒုက္ခသည်စခန်းတွေကို အကူအညီပေးရေး ကိစ္စတွေမှာ နိုင်ငံတကာကို ခွင့်ပြုထားသလို၊ နိုင်ငံတကာကလည်း ဒုက္ခသည်စခန်းတွေကို ပိုပြီး အာရုံထားကြတယ်လို့ MSF က ပြောပါတယ်။
အိမ်တွေ ပျက်စီးပြီး မိသားစု ဘ၀အခြေအနေတွေ ယိမ်းယိုင်ခဲ့တဲ့ ဒီဒုက္ခသည်တွေကို ကူညီဖို့ ပိုပြီး စိတ်ဝင်စားတာလည်း သဘာဝကျတယ်လို့ ပြောပါတယ်။ ဒါပေမဲ့လည်း ဒုက္ခသည်စခန်းတွေ အတွင်းမှာ မဟုတ်ဘဲ၊ အပြင်ဘက် ကျေးရွာတွေမှာ သွားလာမရ ပိတ်မိနေတဲ့ လူတွေမှာလည်း လိုအပ်ချက်တွေ ရှိနေတယ်ဆိုတာကို သတိ မပြုမိကြဘူးလို့ ဗစ်ကီ ဟော့ကင်း (Vickie Hawkins) က ဗွီအိုအေကို ပြောပါတယ်။
“ဒီဒုက္ခသည်တွေအတွက် အကူအညီတွေ လိုအပ်နေတယ်ဆိုတာကတော့ သံသယ ဖြစ်စရာကို မရှိပါဘူး။ ဒါပေမဲ့ ဒုက္ခသည်တွေအပြင် စခန်းတွေမှာ မဟုတ်တဲ့ ဒုက္ခတွေ့နေသူ အတော်များများ ရှိပါသေးတယ်။ အတော်များများက အဲ့ဒီ ဒုက္ခသည်စခန်းတွေကို ပိုပြီး အာရုံထားကြပါတယ်။ ဒါကြောင့် စခန်းတွေမှာရှိတဲ့ ဒုက္ခသည်တွေအပြင်၊ စခန်းမှာမဟုတ်ဘဲ ကျေးရွာတွေမှာ ပိတ်မိနေသူတွေကိုလည်း အာရုံထားကြဖို့ အရေးကြီးပါတယ်။ ဒီလူတွေအနေနဲ့ လုံခြုံရေးကြောင့် ဆိုပြီးတော့ မြို့နယ်ဆေးရုံ ဆေးခန်းတွေကို သွားရောက်ခွင့် မရဘူးဆိုရင်၊ အဲ့ဒီအစား ကျန်းမာရေး စောင့်ရှောက်မှုတွေ ဘယ်လို ပေးမလဲဆိုတာ အဖြေထုတ်ဖို့ လိုပါတယ်။”
စစ်တွေမြို့အပြင်ဘက်မှာတင် ဒုက္ခသည်မဟုတ်ဘဲ ကျေးရွာတွေမှာ ပိတ်မိနေတဲ့ မူဆလင် ၁ သိန်း ၂ သောင်းလောက် ရှိမယ်လို့ MSF က ခန့်မှန်းပါတယ်။ သူတို့အခြေအနေဟာ ဆိုးဆိုးရွားရွား ဖြစ်နေပြီး၊ ပြီးခဲ့တဲ့ ရက်ပိုင်း လပိုင်းတွေအတွင်း မြို့နယ်ပြည်သူ့ဆေးရုံကို မပို့နိုင်လို့ ရွာထဲမှာပဲ သေဆုံးခဲ့ရသူတွေလည်း ရှိခဲ့တယ်လို့ MSF က ထုတ်ပြန်ပါတယ်။
တချိန်တည်းမှာပဲ မိုးရာသီ ၀င်လာပြီမို့ ရောဂါဘယတွေနဲ့ အဟာရ ချို့တဲ့မှုတွေ တိုးများ ဖြစ်လာနိုင်ချေ အပေါ်မှာလည်း စိုးရိမ်စရာ ရှိတယ်လို့ MSF ရန်ကုန်ရုံး ဒုတိယအကြီးအကဲ ဗစ်ကီ ဟော့ကင်း (Vickie Hawkins) က ဗွီအိုအေကို ပြောပါတယ်။
“အခုဆိုရင် မိုးရာသီက စလာပါပြီ။ မိုးနဲနဲ စ ရွာတာကြောင့် ဒုက္ခသည်စခန်းတွေမှာ အပျက်အစီး အချို့ ရှိလာပါပြီ။ မကြာသေးခင်က အပူပိုင်း မုန်တိုင်းကြောင့် ရေလွှမ်းမိုးမှု အချို့လည်း ရှိပါတယ်။ ဒီလို ရာသီဥတု ဆိုးလာတာကြောင့် ကျန်းမာရေး အခြေအနေတွေအပေါ်မှာ ထိခိုက် သက်ရောက်မှု ရှိလာပါတယ်။ အခုဆို ၀မ်းရောဂါတွေ ဖြစ်လာတာကို တွေ့နေရပါပြီ။ ဒါ့အပြင် ကူးစက်ရောဂါတွေ ဖြစ်လာမှာကိုလည်း စိုးရိမ်မိပါတယ်။ အဟာရဓာတ် ချို့တဲ့မှုတွေ ဖြစ်လာနိုင်တာကိုလည်း စိုးရိမ်စရာရှိပါတယ်။”
MSF နယ်စည်းမခြား ဆရာဝန်များအဖွဲ့အနေနဲ့ ရခိုင်ပြည်နယ်ထဲမှာ ဟိုး ဆယ်စုနှစ်တွေကတည်းက ကျန်းမာရေး အကူအညီပေးရေး လုပ်ငန်းတွေကို လုပ်ကိုင်ခဲ့ပြီး၊ အထူးသဖြင့်တော့ HIV/AIDS၊ TB အဆုတ်နာရောဂါ၊ ငှက်ဖျားရောဂါ ကုသရေးနဲ့ ကိုယ်ဝန်ဆောင် သားဖွားလုပ်ငန်းတွေကို အဓိကထား ကူညီဆောင်ရွက်ခဲ့တာပါ။
ဒါကြောင့်လည်း ပြီးခဲ့တဲ့ တစ်နှစ်ကျော်က လူမျိုးရေး အကြမ်းပဋိပက္ခတွေကြောင့် ရခိုင်ပြည်နယ်အတွင်းက အဲ့ဒီလို သူတို့ အလေးထားလုပ်ဆောင်နေတဲ့ ကျန်းမာရေးကိစ္စတွေမှာ ထိခိုက်သက်ရောက်မှုတွေ တွေ့လာရတယ်ဆိုပြီး ဒီကနေ့ပဲ ကြေညာထုတ်ပြန်ခဲ့တာ ဖြစ်ပါတယ်။
ဗီအိုအေ မြန်မာ မှကူးယူဖေါ်ပြသည်။
ဖေါ်ပြပါပုံမှာ ရိုက်တာ သတင်းဌာနက ဖေါ်ပြထားသည့် ကိုဝန်ဆော်င် ရိုပာင်ဂျာ အမျိုးသမီး ရိုမာဟတ်သူး ပုံဖြစ်ပါသည်။အကျယ်ကို မြန်မာမွတ်စလင်မ်မီဒီယာတွင် ဖေါ်ပြထားသည့်
သောင်မတင်ရေမကျ မြန်မာမွတ်စလင်ဘ၀ ဆောင်းပါးတွင်ဖတ်ရှု့နိင်ပါသည်။

သတင်း (ဘာသာပြန်)- စိုင်ဖုလ္လာဟ် – မူရင်း – AFP
စစ်တွေ။ ။ ကုလသမဂ္ဂ၏အဆိုအရ ဘင်္ဂလားဒေ့ရ်ှနှင့် မြန်မာကမ်းရိုးတန်းဒေသရှိ မြေနိမ့်ပိုင်းများတွင် ဆိုင်ကလုန်းမုန်တိုင်း၏ ထိခိုက်လာမည့် အန္တရာယ် နည်းပါးသော်လည်း ၈ သန်းကျော်သော ဒေသခံပြည်သူများအတွက် စိုးရိမ်ဖွယ်ရာ ပြဿနာတစ်ရပ်ဖြစ်လျက်ရှိသည်။
ဆိုင်ကလုန်းမဟာဆန်သည် ဘင်္ဂလားပင်လယ်အော်ကို ဖြတ်သန်းပြီး အရှေ့မြောက်အရပ်သို့ဦးတည် ရွေ့လျားကာ ဘင်္ဂလားဒေ့ရ်ှနိုင်ငံ၊ စစ်တကောင်းမြို့တွင် သောကြာနေ့ မနက်ပိုင်း၌ မြေပြိုမှုများ ဖြစ်ပေါ်နိုင်ကြောင်း၊ အလားတူ မြန်မာဘက် ရခိုင်ပြည်နယ်တွင်လည်း မုန်တိုင်း၏ အပြင်းထန်ဆုံး အခြေအနေကို ရင်ဆိုင်ရဖွယ်ရှိကြောင်း ကုလသမဂ္ဂက ခန့်မှန်းထားသည်။
“ဆိုင်ကလုန်းမုန်တိုင်းအခြေအနေက အားနည်းသွားဖွယ်ရှိပါတယ်၊ ဆိုင်ကလုန်းအဆင့်(၁)ကို ကျဆင်းသွားပါပြီ”ဟု ကုလသမဂ္ဂ လူသားချင်း စာနာထောက်ထားမှု ပူးပေါင်းဆောင်ရွက်ရေး အဖွဲ့ (OCHA)က ကြေညာချက်တွင် ဖော်ပြထားသည်။
သို့သော် အိန္ဒိယနိုင်ငံ အရှေ့မြောက်ဘက်၊ ဘင်္ဂလားဒေ့ရ်ှနှင့် မြန်မာနယ်စပ်ရှိ ပြည်သူပေါင်း ၈.၂ သန်းကျော်အတွက် အသက်အန္တရာယ် ခြိမ်းခြောက်မှုများ ကျန်ရှိနေသေးကြောင်း၊ ဘင်္ဂလားဒေ့ရှ် စစ်တကောင်းနှင့် ကော့ဘဇားတို့တွင် ဒီရေတက်ခြင်းနှင့် မိုးသည်းထန်စွာ ရွာသွန်းခြင်းတို့ကို ဆိုးဆိုး ၀ါးဝါး တွေ့ကြုံနိုင်ကြောင်း သတိပေးထားသည်။
ကမ်းရိုးတန်းဒေသဖြစ်သော ကော့ဘဇားခရိုင်တွင် ဘင်္ဂလားဒေ့ရ်ှနိုင်ငံ၌ ခိုလှုံနေသော ရိုဟင်ဂျာဒုက္ခသည် ၃ သိန်းကျော်တို့၏ ဒုက္ခသည်စခန်းများ တည်ရှိသည်။ ဆေးဝါးကူညီရေးအဖွဲ့ ၁၁၃ ဖွဲ့ကို တပ်လှန့်ဆော်သြထားပြီး အစိုးရ၀န်ထမ်းအားလုံးကိုလည်း ခွင့်ယူခွင့်ပိတ်ပင်ထား ခဲ့ကြောင်း ဒေသခံ အရာရှိများက ပြောကြားသည်။
“ဆိုင်ကလုန်းမုန်တိုင်းကို ရင်ဆိုင်ဖို့ ကျွန်တော်တို့ အားလုံး ပြင်ဆင်ထားပါတယ်”ဟု ကော့ဘဇားရှိ ရိုဟင်ဂျာဒုက္ခသည်စခန်း၌ တာဝန် ထမ်းဆောင်နေသော အစိုးရတရားသူကြီး ဖြစ်သူ မုဟမ္မဒ်ကန်ရုဇမန်းက AFP အား ပြောကြားသည်။
“တရားဝင် ရိုဟင်ဂျာ ဒုက္ခသည်တွေကိုရော၊ တရားမ၀င် ဒုက္ခသည်တွေကိုရော ဆိုင်ကလုန်းနဲ့ ပတ်သက်ပြီး ကျွန်တော်တို့ ကျယ်ကျယ်ပြန့်ပြန့် တပ်လှန့်နှိုးဆော် ထားပါတယ်၊ ပြီးတော့ ရိက္ခာ ခြောက်တွေကိုလည်း စုစည်းသိုလှောင်ထားသလို ဆေးဝါးကူညီရေးအဖွဲ့တွေနဲ့ အရေးပေါ်ကား တွေ စီမံထားပါတယ်၊ နောက်ပြီး မကျန်းမာတဲ့သူတွေနဲ့ ကိုယ်ဝန်သည်အမျိုးသမီးတွေကိုလည်း ဒုက္ခသည် စခန်းတွေကနေ ဆေးရုံကို ရွှေ့ပြောင်းပေးထားပါတယ်”ဟု ၎င်းက ထည့်သွင်း ပြောပြသည်။
ဘင်္ဂလားဒေ့ရ်ှအစိုးရအနေနှင့် ကမ်းရိုးတန်းဒေသ ၁၃ ခုလုံး၌ ဆိုက်ကလုန်းနှင့်ပတ်သက်ပြီး ကြိုတင်ပြင်ဆင်မှုများ ပြုလုပ်ထားကြောင်း ဘင်္ဂလားဒေ့ရှ် သဘာဝဘေးအန္တရာယ် ကာကွယ်မှု စီမံကိန်းဝန်ကြီး မဟ်မူးဒ်အလီက သတင်းထောက်များကို ပြောကြားသည်။
ကျွမ်းကျင်သူများ၏အဆိုရ ဘင်္ဂလားဒေ့ရ်ှနိုင်ငံသည် ရခိုင်ဒေသရှိ အာဏာပိုင်များထက် ဆိုင်ကလုန်းကာကွယ်ရေးအတွက် ကိုင်တွယ်ရာတွင် ပိုမိုကောင်းမွန်စွာ ပြင်ဆင်ထားရှိကြောင်း သိရသည်။
ဆိုင်ကလုန်းမုန်တိုင်းမှ လွတ်မြောက်ရန်ကြိုးစားသော ရိုဟင်ဂျာစက်လှေ တိမ်းမှောက်ပြီးနောက် ၅၈ ဦးပျောက်ဆုံးနေကြောင်း မြန်မာအစိုးရမီဒီယာများက ယမန်နေ့က ပြောကြားသည်။
မြန်မာပြည်၌ ပြီးခဲ့သည့်နှစ်က နှစ်ကြိမ်တိုင်ဖြစ်ပွားခဲ့သော လူပေါင်း ၂၀၀ကျော်သေဆုံးပြီး အိုးအိမ်များစွာ ပျက်ဆီးဆုံးရှုံးစေခဲ့သည့် အကြမ်းဖက်မှုအတွင်း ကိုင်တွယ်ခဲ့သော လုံထိန်း တပ်ဖွဲ့ဝင်များအပေါ် ယုံကြည်မှုကင်းမဲ့ခဲ့သောကြောင့် အခြားရိုဟင်ဂျာများစွာမှာ မိမိတုိ့ နေရာမှ ရွှေ့ပြောင်းပေးရန် ၀န်လေးနေကြကြောင်း သိရသည်။
အဆိုပါ မငြိမ်သက်မှု အကြမ်းဖက်မှုများတွင် မြန်မာ့လုံထိန်းတပ်ဖွဲ့ဝင်များ ပါဝင်ပတ်သက်ကျူးလွန်ခဲ့ကြောင့် လူ့အခွင့်ရေးအဖွဲ့များက စွပ်စွဲထားသည်။
မြန်မာအစိုးရအနေနှင့် အိုးအိမ်မဲ့ဒုက္ခသည် အနည်းဆုံး ၃၈၀၀၀ ကို မုန်တိုင်းလမ်းကြောင်းပေါ်မှ ရွှေ့ပြောင်းပေးရန် အင်္ဂါနေ့က စီစဉ်ခဲ့သော်လည်း အမှန်တကယ်ရွှေ့ပြောင်းပေးခံရသူ မည်၍မည်မျှ ရှိကြောင်း ရှင်းရှင်းလင်းလင်း မသိရချေ။
မြန်မာ့တပ်မတော်က ဘေးအန္တရာယ်ကျရောက်နိုင်သောသူများအား ဘေးကင်းရာသို့ ရွှေ့ပြောင်းပေးရာတွင် စည်းရုံးလှုံ့ဆော်ခဲ့သော်လည်း အဆိုပါ ကြိုးပမ်းမှုမှာ အလွန်နောက်ကျနေကြောင်း၊ ယခုနှစ် မုတ်သုံရာသီတွင် ကြုံတွေ့ရနိုင်သော ဘေးအန္တရာယ်မှ လွတ်မြောက်ရန် ဒုက္ခသည် စခန်းများကို ရွှေ့ပြောင်းပေးသင့်ကြောင်း လူ့အခွင့်ရေး ဆော်သြသူများက လနှင့်ချီ၍ သတိပေးပြောဆိုခဲ့ပြီးဖြစ်ကြောင်း သိရသည်။
မူရင်းသတင်း (AFP)
————–
SITTWE, Myanmar: A cyclone threatening to lash low-lying coastal areas of Bangladesh and Myanmar appears to have weakened, but still poses a risk to more than eight million people, according to the UN.
Cyclone Mahasen is moving northeastwards over the Bay of Bengal and expected to make landfall on Friday morning north of the Bangladeshi city of Chittagong, sparing Myanmar’s Rakhine state from its full fury, the UN said.
“The cyclone does appear to have weakened and it has been downgraded to a category 1 cyclone,” the UN Office for the Coordination of Humanitarian Affairs (OCHA) said in a statement released late on Tuesday.
But it may still bring “life-threatening conditions” for 8.2 million people in northeast India, Bangladesh and Myanmar, it warned, adding Bangladesh’s Chittagong and Cox’s Bazaar areas could face the worst of a tidal surge and heavy rains.
Cox’s Bazaar, a long strip of coastline, is home to ramshackle camps housing many of the estimated 300,000 Rohingya refugees living in Bangladesh.
Local officials said 113 medical teams had been mobilised to deal with the impact of the cyclone and leave had been cancelled for all government employees.
“We’ve made all the preparations to face the cyclone,” Mohammed Kamruzzaman, a government magistrate in charge of a Rohingya refugee camp in Cox’s Bazaar, told AFP.
“We have been using loudspeakers to alert both documented and undocumented Rohingya refugees of the dangers of the cyclone.
“We’ve also stockpiled dry food, kept medical teams and ambulances on stand-by and shifted the sick and pregnant women from the camps to hospitals.”
Bangladesh’s disaster management minister Mahmud Ali told reporters that the government had made “all-out preparations for the cyclone in all 13 coastal districts”.
Experts say Bangladesh is better prepared to handle cyclones than authorities across the border in Rakhine.
Myanmar state media late Tuesday said rescuers were searching for 58 missing Rohingya whose boat capsized after hitting rocks in a coastal waterway after they fled the cyclone’s path to escape to higher ground.
A number of other Rohingya in Myanmar have expressed reluctance to relocate, reflecting deep mistrust of security forces following two outbreaks of violence last year that left about 200 people dead and whole neighbourhoods razed.
Rights groups have accused Myanmar security forces of complicity in the unrest.
OCHA said Myanmar planned to move at least 38,000 internally displaced persons out of the cyclone’s track by Tuesday, but added that it was unclear how many had actually been relocated.
Myanmar’s army has been mobilised to help evacuate those most at risk. But some rights campaigners said the effort had come too late after months of warnings of the danger posed to the camps by this year’s monsoon.
- AFP/xq/fl