ရန်ကုန်တက္ကသိုလ်မှာ ပြောကြားခဲ့တဲ့ အမေရိကန် သမ္မတအိုဘားမား၏ သမိုင်းဝင်မိန့်ခွန်း

နိုဝင်ဘာ ၁၉ ၊၂၀၁၂

M-Media

Source: ဧရာဝတီ

ရန်ကုန်တက္ကသိုလ်ဘွဲ့နှင်းသဘင်ခန်းမတွင် မွန်းလွဲ ၂ နာရီခွဲကျော်က ပြောကြားခဲ့ သော အမေရိကန်သမ္မတအိုဘားမား၏ သမိုင်းဝင်မိန့်ခွန်း

(အချို့နေရာများတွင် အသံများလုံးထွေးနေမှုကြောင့် ဖော်ပြနိုင်ခြင်းမရှိပါ)

ကျနော်ဒီတက္ကသိုလ်ကို ရောက်လာခဲ့ရတဲ့အတွက် ဒီနိုင်ငံကို ပထမဆုံး တက်ခွင့်ရတဲ့ အမေရိကန်သမ္မတဦးဖြစ်တဲ့အတွက်လည်း ၀မ်းသာဂုဏ်ယူမိပါတယ်။ ကျနော်ကို ဒီကိုလာတာက ဒီနိုင်ငံရဲ့အရေးပါမှုကြောင့်ပါပဲ။ လူကြီးမင်းတို့က အရှေ့နဲ့တောင်အာရှဆက်စပ်ပေးတဲ့လမ်းဆုံလမ်းခွမှာ ရောက်နေတဲ့အတွက် အရေးပါနေတာ။ ကမ္ဘာပေါ်မှာ လူဦးရေ အများဆုံးနိုင်ငံတွေနဲ့ လူကြီးမင်းတို့က နယ်မြေချင်းဆက်နေပါတယ်။ ဒါ့အပြင် လူကြီးမင်းတို့ရဲ့နိုင်ငံသမိုင်းက လည်း နှစ်ပေါင်းထောင်ချီရှိ်နေပြီဖြစ်သလို ကမ္ဘာ့အလျှင်မြန်ဆုံး ဖွံ့ဖြိုးတိုးတက်နေတဲ့ ဒေသရဲ့ကံကြမ္မာကိုပံ့ပိုးပေး နိုင်တဲ့စွမ်းအား တွေရှိနေပါတယ်။

ကျနော် ဒီကိုရောက်လာတာက လူကြီးမင်းတို့နိုင်ငံရဲ့လှပတင့်တယ်မှုနဲ့ ထူးခြား မတူကွဲပြားမှုတွေကြောင့်။ ကျနော်ရွှေတိဂုံ စေတီတော်ကြီးကို စောစောကပဲ မြင်တွေ့ခဲ့ရပါတယ်။

ဒီကိုရောက်လာခြင်းတခုကတော့ ဒီတက္ကသိုလ်ကို လေးစားလို့ဖြစ်ပါတယ်။ ဒီကျောင်းတော်ကြီးမှာ ကိုလိုနီဆန့်ကျင်ရေးကို စတင်ခဲ့ပါတယ်။ ဒီကျောင်းတော်ကြီးမှာပဲ ကိုအောင်ဆန်းက လွတ်လပ်ရေးလှုပ်ရှားမှုကို မစတင်ခင်မှာ မဂ္ဂဇင်းအယ်ဒီတာအဖြစ် လုပ်ခဲ့ဖူးပါတယ်။ ဒီနေရာမှာပဲ ဦးသန့်က ကုလသမဂ္ဂကို မဦးဆောင်ခင်မှာ ဒီကျောင်းတော်ကြီးမှာပဲ ကမ္ဘာကြီးအကြောင်းကို ဆည်းပူးခဲ့ပါတယ်။

လွန်ခဲ့တဲ့ ရာစုနှစ်တွေမှာ ပညာရှင်တွေရုန်းကန်ကြိုးစား ခဲ့ကြသလို ကျောင်းတော်သူ ကျောင်းတော်သားတွေကလည်း သူတို့ရဲ့အခြေခံလူ့အခွင့်အရေးတွေ ကို တောင်းဆိုခဲ့ကြပါတယ်။ အခုအခါမှာတော့ လွှတ်တော်က ဒီတက္ကသိုလ်ကို အားသစ်ပြန်လောင်းဖို့ ဆုံးဖြတ်ချက်တစ်ရပ်ကို အနည်းဆုံးချမှတ်ခဲ့ပြီးပါပြီ။ ဒီနိုင်ငံရဲ့အနာဂတ်ကို ဒီနိုင်ငံရဲ့လူငယ်တွေရဲ့ ပညာရေးကသာ အဆုံးအဖြတ်ပေးမှာဖြစ်လို့ ဒီကျောင်းတော်ကြီးက တချိန်က သူရဲ့ကြီးကျယ်မြင့်မြတ်မှု ကို ပြန်လည်ဆောင်ကြဉ်းရမှာမလွဲတော့ပါဘူး။

နောက်ဒီကို ရောက်လာခြင်းက ကျနော်တို့နှစ်နိုင်ငံကြားက ဆက်စပ်မှုကြောင့်လည်းဖြစ်ပါတယ်။ လွန်ခဲ့တဲ့ ရာစုနှစ်တွေက အမေရိကန်ကုန်သည်တွေ၊ သာသနာပြုသူတွေက ကုန်သွယ်မှု၊ သာသနာပြုမှုတွေ အတွက် ရောက်ရှိခဲ့ကြပါတယ်။ ဒီနယ်နိမိတ်အတွင်းမှာပဲ ဒုတိယကမ္ဘာစစ်အတွင်းက ကျနော်တို့ရဲ့ လေသူရဲတွေက တရုတ်ပြည်ကို ပျံသန်းခဲ့ကြသလို ကျနော်တို့ရဲ့ တပ်ဖွဲ့အများအပြားကလည်း ဒီမြေပေါ်မှာပဲ အသက်ပေးခဲ့ကြပါတယ်။ ကျနော်တို့နှစ်နိုင်ငံနှစ်ခုစလုံးက ဗြိတိသျှအင်ပါယာ အတွင်းက ပေါ်ထွန်းလာတဲ့ နိုင်ငံဖြစ်ပြီး ပြည်ထောင်စုမြန်မာနိုင်ငံရဲ့လွတ်လပ်ရေးကို ပထမဆုံးအသိအမှတ်ပြုတဲ့ နိုင်ငံတွေထဲမှာ အမေရိကန်ပြည်ထောင်စုပါဝင်ခဲ့ပါတယ်။

အမေရိကန်ယာဉ်ကျေးမှုဗဟိုဌာနကို ရန်ကုန်မှာထူထောင်နိုင်ခဲ့ပြီး ဒီကျောင်းတော်ကြီးမျိုးတွေနဲ့ ပညာအပြန်အလှန်တည်ဆောက်နိုင်ခဲ့တဲ့အတွက် ဂုဏ်ယူဝမ်းသာမိပါတယ်။ မတူကွဲပြားမှုတွေရှိနေတဲ့ ဆယ်စုနှစ်ပေါင်းများစွာအတွင်းမှာပဲ အမေရိကန်လူမျိုးတွေက ဒီနိုင်ငံနဲ့ နိုင်ငံသားတွေအပေါ် သံယောဇဉ်ရှိခဲ့ကြပါတယ်။

အားလုံးထဲက အရေးကြီးတချက် ဒီကိုရောက်လာခဲ့တာက လူ့ဂုဏ်သိက္ခာအပေါ်မှာ အမေရိကန်ရဲ့ယုံကြည်မှုကြောင့်ဖြစ်ပါတယ်။ လွန်ခဲ့တဲ့ လွန်ခဲ့တဲ့ ဆယ်စုနှစ်တွေအတွင်းမှာ ကျနော်တို့နိုင်ငံတွေက တစိမ်းတွေဖြစ်ခဲ့ကြပါတယ်။

ဒါပေမယ့် ဒီနေ့မှာတော့ မြန်မာပြည်သူတွေအတွက် အမြဲတမ်းပဲမျှော်လင့်ချက်ထားခဲ့ကြတယ်ဆိုတာကိုပြောနိုင်ပါတယ်။ မြန်မာပြည်သူတွေက ကျနော်တို့ကို  မျှော်လင့်ချက်တွေ ပေးခဲ့ပါတယ်။ ပြီးတော့ မြန်မာပြည်သူတွေရဲ့ သတ္တိတွေကိုလည်း ကျနော်တို့မျက်မြင်တွေ့ခဲ့ရပါတယ်။ အဖြူရောင်ဝတ်ထားကြတဲ့ လှုပ်ရှားတက်ကြွသူတွေက တနင်္ဂနွေနေ့မှာ နိုင်ငံရေးမိသားစုတွေဆီ သွားတွေ့ခဲ့ကြတာတွေ။ ရွှေဝါရောင်သင်္ကန်းဝတ်ထားတဲ့ သံဃာတော်တွေက လမ်းတွေပေါ်မှာ ငြိမ်းချမ်းစွာဆန္ဒထုတ်ဖော်ခဲ့ကြတာတွေကို ကျနော်တို့ မြင်ခဲ့ရပါတယ်။ နာဂစ်မုန်တိုင်းကို တုံ့ပြန်ဖို့ ကယ်ဆယ်ရေးအဖွဲ့တွေဖွဲ့စည်းခဲ့ကြတဲ့ မြန်မာပြည်သူတွေအကြောင်းလည်း သိခဲ့ရပါတယ်။ လွတ်လပ်မှုအသံကို ဟစ်ကြွေးခဲ့ကြတဲ့ ကျောင်းသားတွေရဲ့အသံတွေ၊ ဟစ်ဟော့ပ်အနုပညာရှင်တွေရဲ့ စည်းချက်တွေကိုလည်းကျနော်တို့ကြားခဲ့ရပါတယ်။ မိမိတို့ရဲ့ မိသားစုတွေနဲ့ပဲဖြစ်ဖြစ် ဘိုးဘွားတွေနဲ့ပဲဖြစ်ဖြစ် အဆက်အသွယ်မပြတ်ခဲ့ကြတဲ့ ပြည်ပရောက် မြန်မာတွေကိုလည်း သိခဲ့ရပါတယ်။

ရင်ထဲက မျှော်လင့်ချက်ရှင်သန်နေမျှ ဘယ်လူသားကိုမှ အမှန်တကယ် အကျဉ်းချထားလို့မရဘူးဆိုတာ သက်သေပြခဲ့တဲ့ ဒေါ်အောင်ဆန်းစုကြည်ရဲ့ ဆောင်ရွက်မှုတွေ၊ ဂုဏ်သိက္ခာတွေကြောင့် ကျနော်တို့မှာ အတွေးသစ်တွေနိုးကြားခဲ့ရပါတယ်။
သမ္မတဦးသိန်းစိန်လက်ထက်မှာ ပြုပြင်ပြောင်းလဲရေးတွေက ရုပ်လုံးပေါ်လာပါတယ်။ အခုဆိုရင် အရပ်သားဦးဆောင်တဲ့ အစိုးရ၊ လွှတ်တော်တွေ ခိုင်ခိုင်မာမာရှိနေပြီ။ အရင်က ဥပေဒပြင်ပလို့ သတ်မှတ်ခံခဲ့ရတဲ့ အမျိုးသားဒီမိုကရေစီအဖွဲ့ချုပ် ကလည်းရွေးကောက်ပွဲဝင်ခဲ့ပြီး ဒေါ်အောင်ဆန်းစုကြည်ကလည်း လွှတ်တော်ကိုယ်စားလှယ်တဦးဖြစ်လာခဲ့ပါပြီ။ ယုံကြည်ချက်ကြောင့် အကျဉ်းကျနေသူတွေ ရာပေါင်းများစွာကို လွှတ်ပေးခဲ့သလို အဓမ္မစေခိုင်းမှုတွေကိုလည်း တားမြစ်နိုင်ခဲ့ပါပြီ။

တိုင်းရင်းသားတပ်မတော်များနဲ့ကနဦးအပစ်အခတ်ရပ်စဲနိုင်ခဲ့သလို ပိုမိုပွင့်လင်းတဲ့ စီးပွားရေးအတွက် ဥပဒေသစ်များကိုလည်း ဖွင့်ပေးနေပါပြီ။ ဒီတော့ ကျနော်က ကျနော့်ကတိတည်ဖို့ ခင်မင်ရင်းနှီးမှုကမ်းလင့် လက်ကို ဆန့်တန်းဖို့ရောက်လာခဲ့တာပါ။ ဒီနေ့ အမေရိကန်သံအမတ်ရန်ကုန်မှာရှိနေပြီ၊ စီးပွားရေးပိတ်ဆို့မှုတွေ ကိုလည်းဖြေလျော့ထားပါပြီ။ ဒီနိုင်ငံရဲ့ လူထုအတွက် အခွင့်အရေးတွေပေးလာမယ့် ကမ္ဘာ့ကြီးရဲ့ တိုးတက်မှုကို မောင်းနှင်ပေးမယ့်အင်ဂျင်တလုံးအဖြစ် ရပ်တည်လာမယ့် စီးပွားရေးတရပ်ကို ပြန်လည်တည်ဆောက်ရာမှာ ကျနော်တို့ကူညီပံ့ပိုးသွားပါ့မယ်။ ဒါပေမဲ့ ဒီထူးခြားလှတဲ့ ခရီးက အခုက အစသာရှိပါသေးတယ်။ ကျနော်တို့ အများကြီးဆက်သွားရဦးမယ်။

ထိပ်ပိုင်းက ပြုပြင်ပြောင်းလဲမှုတွေက ဒီမိုကရေစီအခြေခံဖြစ်တဲ့ နိုင်ငံသားတွေရဲ့ သဘောဆန္ဒနဲ့ ကိုက်ညီရပါလိမ့်မယ်။ကျနော်တို့ မြင်တွေ့ခဲ့ရတဲ့ ပြုပြင်ပြောင်းလဲမှု
ရောင်ခြည်ဖြိုးဖျ ကလည်း ငြိမ်းသွားလို့မရပါဘူး။ ဒီမီးလျှံလေးက ဒီနိုင်ငံရဲ့ လူထုအတွက် ထိန်လင်းတဲ့ ဓူဝံကြယ်ကြီးမဖြစ်မနေ ဖြစ်လာရပါတယ်။ ဒီအတွက် အားထုတ်ရာမှာ မြန်မာပြည်သူတွေရဲ့အောင်မြင်မှုက ကျနော့်အတွက် ၊ အမေရိကန်ပြည်ထောင်စုအတွက် အရေးကြီးလှပါတယ်။ ကျနော်တို့ လာခဲ့ကြတဲ့ လမ်းကြောင်းတွေမတူညီကြပေမယ့် ကိုယ့်ခေါင်းဆောင်ကို ကိုယ်ရွေးချင်တာ ငြိမ်းချမ်းစွာ အတူယှဉ်တွဲနေထိုင်ချင်တာ၊ ပညာရေးတရပ်ကို ရရှိပြီး ကောင်းမွန်စွာ အသက်မွေးချင်တာ၊ ကိုယ့်မိသားစုတွေနဲ့ ကိုယ့်အသိုင်းအ၀ိုင်းတွေအပေါ် မေတ္တာထားချင်တာဆိုတဲ့ ကျနော်တို့အိမ်မက်တွေက တူညီကြပါတယ်။

ဒါကြောင့် လွတ်လပ်မှုနဲ့ ကျနော်တို့ရဲ့ယုံကြည်ချက်တွေက ဒြပ်မဲ့သဘောတရားမဟုတ်ပါဘူး။ လွတ်လပ်မှုက လူသားတို့ရဲ့အောင်မြင်မှုကို ဖြစ်လာစေတဲ့ တခုတည်းသော အရာဖြစ်ပါတယ်။ လွတ်လပ်မှုက မဲရုံမှာသာမဟုတ်ဘဲ ကျနော်တို့်ရဲ့ နေ့စဉ်ဘ၀မှာပါ ရှိနေရမှာပါ။ အမေရိကန်နိုင်ငံရဲ့ကြီးမြတ်တဲ့ သမ္မတတဦးဖြစ်တဲ့ ရုစဖဲ့က ဒီအမှန်တရားကို နားလည်ခဲ့ပါတယ်။ အမေရိကန်နိုင်ငံရဲ့အရေးက မဲပေးပိုင်ခွင့်ထက် ထက်ပိုတယ်လို့ဖွင့်ဆိုခဲ့ပါတယ်။ လွတ်လပ်စွာပြောဆိုခွင့်၊ လွတ်လပ်စွာကိုးကွယ်ခွင့်၊ လိုချင်မှုများက လွတ်လပ်ခွင့်၊ သက်ဝင်မှုများက လွတ်လပ်ခွင့်ဆိုတဲ့ အခြေခံလွတ်လပ်ခွင့်လေးရပ်ကို လက်ကမ်းကြဖို့ ကမ္ဘာကြီးကိုတောင်းဆိုခဲ့ပါတယ်။ ဒီလွတ်လပ်ခွင့်လေးခုက တခုအပေါ် တခုအပြန်အလှန် အားဖြည့်နေပါတယ်။ ပြီးတော့လည်း ဒီလေးခုထဲက တခုကိုမဖော်ဆောင်ဘဲ ကျန်တခုကို မရနိုင်ပါဘူး။ အဲဒါက လူအားလုံးအတွက် ကျနော်တို့လိုချင်တဲ့ အနာဂတ်ပါပဲ။ အားလုံးပြောချင်တဲ့ အကြောင်းအရာပါပဲ။

ကျနော်တို့က လွတ်လပ်စွာပြောဆိုခွင့်ကို ယုံကြည်ပါတယ်။ ဒါမှသာ ပြည်သူတွေရဲ့အသံတွေကို ကြားနိုင်ပြီး အစိုးရတွေအနေနဲ့ သူတို့ရဲ့သဘောဆန္ဒကို သိနိုင်မှာပါ။
ဒီအခွင့်အရေးတွေကို ဖော်ဆောင်တဲ့နေရာမှာ တနိုင်ငံနဲ့တနိုင်ငံမတူညီနိုင်ပါဘူး။ဒီနိုင်ငံရဲ့ပြည်သူတွေအားလုံးရဲ့ အင်အားကိုသာ စုစည်းသွားမယ်ဆိုရင် ဒီနိုင်ငံက ပိုပြီး ခိုင်မာတောင့်တင်းမယ်ဆိုတာ အငြင်းပွားစရာမရှိပါဘူး။ အဲဒီအချက်ကပဲ နိုင်ငံများကို အောင်မြင်စေတာဖြစ်ပါတယ်။ အဲဒီအချက်ကိုသာ ပြုပြင်ပြောင်းလဲရေးက စတင်ဆောင်ရွက်ပေးတာဖြစ်ပါတယ်။ အမိန့်နဲ့ ချုပ်ခြယ်ထားမယ့်အစား လူထုရဲ့စုဝေးခွင့်ကို အခုအခါမှာ အပြည့်အ၀လေးစားရမယ်။ မီဒီယာဆင်ဆာဖြတ်တောက်မှု အသံတွေကိုပိတ်ဆို့ထားမယ့်အစား မီဒီယာလွတ်လပ်ခွင့်ကို ဆက်ပေးထားရပါလိမ့်မယ်။ ဒီခြေလှမ်းတွေကို လှမ်းသွားရင်းနဲ့ဒီမိုကရေစီခရီးကို ရောက်ရှိဖော်ဆောင်နိုင်မှာဖြစ်ပါတယ်။

မြစ်ဆုံဆည်တည်ဆောက်ရေးကို ဆန့်ကျင်ခဲ့ကြတဲ့ နိုင်ငံသားများရဲ့ အသံကို လျစ်လျူရှုထားမယ့်အစား ကြားနာပေးခဲ့ပါတယ်။ နိုင်ငံရေးပါတီများကိုလည်း ဥပဒေပြင်ပကလို့သတ်မှတ်မယ့်အစား နိုင်ငံရေးပါဝင်ဆောင်ရွက်ခွင့်ပေးခဲ့တယ်။ လွှတ်တော်ရွေးကောက်ပွဲမှာလည်း မဲဆန္ဒရှင်တဦးက ပြောခဲ့ပါတယ်။ ကျနော်တို့ မိဘတွေ၊ ဘိုးဘွားတွေ အခုလို မဲပေးခွင့်ရအောင်အစောင့်ကြီး စောင့်ဆိုင်းခဲ့ရပေမယ့် မြင်မသွားကြရပါဘူးတဲ့။ မဲဆန္ဒရှင်တွေရဲ့လွတ်လပ်ခွင့်ကို ကာကွယ်စောင့်ရှောက်ပေးဖို့ အာဏာရှိသူများက လုပ်ရပါလိမ့်မယ်။ ဒီလိုဆောင်ရွက်နိုင်ဖို့ အမေရိကန်စနစ်ကို ရေးဆွဲထားတာပါ။

အမေရိကန်က ကမ္ဘာပေါ်မှာ အင်အားအကြီးဆုံး စစ်တပ်ကို ပိုင်ဆိုင်ထားပေမယ့် အရပ်သားထိန်းချုပ်မှုအောက်ကို စစ်တပ်ကို ထားရှိပါတယ်။ အခု ကာကွယ်ရေးဦးစီးချုပ်တဦးအနေနဲ့ ကျနော်ဖြစ်ချင်တာတွေကို ဇွတ်အတင်းပြဋ္ဌာန်းလို့မရပါဘူး။ အဲလိုလုပ်လို့ရရင် သိပ်ကောင်းမှာပဲလို့ တွေးရုံသာ တွေးမိပါတယ်။ တရားသူကြီးတွေကိုလည်း ကျနော်ခန့်ထားပါတယ်။ သူတို့ကလည်းကျနော့်ကိုစစ်တယ်၊ ကျနော်ရဲ့အာဏာကို စစ်ပါတယ်။ ဘယ်လိုတရားစီရင်ရမယ်လို့ ကျနော်ပြောလို့မရပါဘူး။ ဘာကြောင့်လဲဆိုတော့ ဆင်းရဲတဲ့ကလေးတဦးကစပြီး သမ္မတအထိ လူတိုင်းလူတိုင်းက ဥပဒေအရ တန်းတူညီတူ ခံစားခွင့်ရှိလို့ပါပဲ။ ဒါကြောင့် တရားသူကြီးတွေက ကျနော် ဥပဒေလိုက်နာသလား၊ မလိုက်နာဘူးလားဆိုတာကို စစ်ဆေးနိုင်ပါတယ်။

ကျနော်ပြောချင်ပါတယ်။ ဒါက မြန်မာပြည်သူတွေ လှမ်းကိုင်ရမယ့် အနာဂတ်ပါပဲ။ ယုံကြည်ချက်ကြောင့်အကျဉ်းကျနေသူတဦး တည်းရှိနေရင်တောင်မှ များလှပါပြီဆိုတဲ့ အနာဂတ်။ ဘယ်ခေါင်းဆောင်ထက်မဆို ဥပဒေက ပိုလို့ ခိုင်မာအားရှိတဲ့အနာဂတ်၊ တာဝန်ခံတဲ့ အစိုးရတွေ၊ ဘယ်ကလေးမှ စစ်သားမလုပ်ရ၊ ဘယ်အမျိုးသမီးမှ ခေါင်းပုံမဖြတ်ခံရတဲ့ အနာဂတ်၊ သူတို့ကို ကာကွယ်စောင့်ရှောက်ပေးတဲ့ အနာဂတ်၊ အရပ်သားများရဲ့ လက်အောက်မှာ အလုပ်အကျွေးပြုနေတဲ့ တပ်မတော်ကသာ နိုင်ငံတော်လုံခြုံရေးကို ခိုင်မာစေတဲ့ အနာဂတ်၊ လူထုက ရွေးကောက်တင်မြှောက်လိုက်သူများကသာ အုပ်ချုပ်ရမယ်ဆိုတဲ့ ဖွဲ့စည်းပုံအခြေခံဥပဒေက အာမခံချက်ပေးတဲ့ အနာဂတ်ကို ဆိုလိုပါတယ်။

အဲဒီခရီးကို ချီတက်ရာမှာ အရပ်သားလူ့အဖွဲ့အစည်းကို အားရှိလာအောင် ကျနော်တို့ ကူညီထောက်ပံ့မှု အသုံးပြုပြီးတော့သော်လည်းကောင်း တပ်မတော်ကိုလည်း တပ်ကိုကျွမ်းကျင် ပြုလုပ်ပြီး လူ့အခွင့်အရေးများကို ပူးပေါင်းဖော်ဆောင်ပေးခြင်းဖြင့်လည်းကောင်း၊ လျှောက်လှမ်းနေတဲ့ ဒီမိုကရေစီခရီးရောက်ရေးမှာ စီးပွားရေးနဲ့ချိတ်ဆက်တဲ့ အကျိုးဆက်တွေကို ဖော်ဆောင်ပေးခြင်းဖြင့်လည်းကောင်း အမေရိကန်နိုင်ငံက ဒီလမ်းကြောင်းတလျှောက် ကို ဖော်ဆောင်ရေးကို ကူညီသွားမှာပါ။

ဒီခရီးကို ရှေ့ဆက်သွားရာကနေ လူတိုင်းက လိုအင်ဆန္ဒများ လွတ်လပ်သင့်တယ်ဆိုတဲ့ ယုံကြည်မှုကိုအခြေခံတဲ့ ဒုတိယလွတ်လပ်ခွင့်ကိုရောက်ရှိလာပါလိမ့်မယ်။

ဟာနေတဲ့ ၀မ်းတွေ ဖြည့်ပေးရုံနဲ့ မလုံလောက်ပါဘူး။ လူထုက တင်မြှောက်တဲ့ အစိုးရ ၊ လူထုအတွက် အစိုးရက ပိုပြီးကြွယ်ဝမှုပေးနိုင်တယ်ဆိုတာက သမိုင်းက သက်သေပြခဲ့ပြီးပါပြီ။ မြန်မာပြည်သူတွေနဲ့ တွဲဖက်ဆောင်ရွက်ချင်တယ်ဆိုတာ အဲဒါပါပဲ။ မြန်မာပြည်သူတွေရဲ့အနာဂတ်အတွက် ပြောခွင့်ရှိလာတဲ့အခါ မြန်မာပြည်သူတွေရဲ့ မြေကို ယူလို့မရပါဘူး။

ဒါကြောင့် ပြုပြင်ပြောင်းလဲရေးများမှာ ကိုယ်နေထိုင်ရာမြေ ကိုယ်အလုပ်လုပ်ရာ မြေပိုင်ဆိုင်ခွင့် အထောက်အထားဆိုတဲ့ပိုင်ဆိုင်မှုအားလုံးအနက် အခြေခံအကျဆုံး  နိုင်ငံသူနိုင်ငံသားများရရှိအောင်ဆောင်ရွက်ပေးဖို့လိုတယ်။

လူတွေရဲ့ပါရမီအစွမ်းအစတွေကို ဆွဲထုတ်လိုက်တဲ့အခါ အခွင့်အလမ်းတွေကို လူတိုင်းအတွက်ဖန်တီးပေးနိုင်မှာပါ။

အကျင့်ပျက်ခြစားမှုကို ထားရစ်နိုင်ခဲ့မှ စီးပွားရေးတိုးတက်မှုဖန်တီးနိုင်မှာပါ။အမေရိကန်ကုမ္ပဏီတွေက ပွင့်လင်းမှုနဲ့အမြင့်ဆုံးစံသတ်မှတ်ချက်တွေကို လိုက်နာဖို့ တိုက်တွန်းနေပါတယ်။

ပြုပြင်ပြောင်းလဲရေးက ဆာလောင်နေသူတွေ၊ ဖျားနာသူတွေ၊ လျှပ်စစ်ဓာတ်အားမရှိ၊ ရေမရှိဘဲ နေရသူတွေဆီ ရောက်ရှိဖို့ လိုအပ်တာဖြစ်ပါတယ်။ အမေရိကန်နိုင်ငံက သူ့တာဝန်သူယူသွားပါမယ်။ အာရှစပါးကျီဖြစ်ခဲ့တဲ့ မြန်မာနိုင်ငံအတွက် ကိုယ့်လူထုကို ထမင်း၀၀ကျွေးနိုင်၊ ကိုယ့်ကလေးတွေကို စာသင်ပေးနိုင်အောင်၊ကိုယ့်ပြည်သူတွေ အိမ်ဆောက်ပေးနိုင်အောင် ဆောင်ရွက်ပေးနိုင်တဲ့ မိတ်ဖက်နိုင်ငံတဦးအဖြစ် အမေရိကန်က ရပ်တည်သွားမယ်။

တတိယလွတ်လပ်ခွင့်က လွတ်လပ်စွာကိုးကွယ်ခွင့်နဲ့ လူ့ဂုဏ်သိက္ခာပါပဲ။ ဒီတိုင်းပြည်မှာလည်း မတူကွဲပြားမှုတွေ အများကြီးရှိပါတယ်။ လူတိုင်းလူတိုင်းက ဘာသာတခုတည်းကို ကိုးကွယ်ကြတာမဟုတ်ဘူး။ ဘုရားတွေ၊ ခရစ်ယာန်တွေ၊ ဗလီတွေ ရှိနေကြပါတယ်။ တိုင်းရင်းသားလူမျိုးတရာကျော်ကလည်း အခန်းကဏ္ဍတခုကနေ ပါဝင်နေပါတယ်။ မရေမတွက်နိုင်တဲ့အသက်ပေါင်းများစွာပေးဆပ်ခဲ့ရတယ်။ အမျိုးသားပြန်လည်သင့်မြတ်မှုမရှိဘဲ ဘယ်ပြုပြင်ပြောင်းလဲမှုမှ မအောင်မြင်နိုင်ပါဘူး။အခုအခါမှာတော့ အပစ်အခတ်ရပ်စဲရေး အသွင်ပြောင်းနိုင်တဲ့ ကချင်ပြည်နယ်အပါအ၀င် ငြိမ်းချမ်းမှုကို ဖော်ဆောင်နိုင်တဲ့ ထူးခြားတဲ့အခွင့်အလမ်းတခုကို ရရှိနေပါပြီ။ ဒီအားထုတ်မှုက လိုအပ်နေသူအတွက် လူသားချင်းစာနာထောက်ထားမှု အကူအညီတွေရရှိနိုင်ဖို့၊ ရွှေ့ပြောင်းခံရသူတွေ ကိုယ့်နေရပ်ကိုယ်ပြန်နိုင်ဖို့ အပါအ၀င် ပိုမိုတရားမျှတပြီး ပိုမိုတည်တံ့တဲ့ငြိမ်းချမ်းရေးဖော်ဆောင်သွားဖို့လိုပါတယ်။

ရခိုင်ပြည်နယ်မှာ အကြမ်းဖက်မှုတွေကို တွေ့မြင်ရပြီး တင်းမာမှုတွေဆက်လက်ဖြစ်နိုင်မယ့် အန္တရာယ်ကိုမြင်နေရပါတယ်။ ရခိုင်တိုင်းရင်းသားများအပါအ၀င် ဒီပြည်နယ်လူထုတွေက ဆင်းရဲနွမ်းပါးမှုနဲ့ တရားလွန်ညှင်းပန်းနှိပ်စက်မှုဒဏ်ကို ကာလရှည်ကြာစွာရင်ဆိုင်ခဲ့ကြရပါတယ်။ သို့ပေမယ့် အပြစ်မဲ့သူများကို အကြမ်းဖက်မှုအတွက် ဘာဆင်ခြေမှ ပေးလို့မရပါဘူး။ ရိုဟင်ဂျာတွေလည်း အခြားပြည်သူတွေလို၊ ကျနော့်လို သူတို့မှာလည်း သူတို့ဂုဏ်သိက္ခာနဲ့သူတို့ရှိပါတယ်။ အမျိုးသားပြန်လည်သင့်မြတ်ရေးအတွက် အချိန်ယူရမှာဖြစ်ပါတယ်။ ဒါပေမယ့် ကျနော့်တို့အားလုံးရဲ့ လူသားဖြစ်တည်မှုအတွက် ဒီနိုင်ငံရဲ့အနာဂတ်အတွက် ရည်မှန်းပြီး သွေးထိုးလှုံ့ဆော်မှုတွေ အကြမ်းဖက်မှုတွေကို ရပ်တန်းကရပ်ဖို့ အချိန်တန်ပါပြီ။ တရားမျှတမှု၊ တာဝန်ခံမှု၊ လူသားချင်းစာနာထောက်ထားမှုနဲ့ ဒီပြည်နယ်က ပြည်သူပြည်သားများရဲ့ အရေးကိစ္စ အစိုးရဆောင်ရွက်မှုကို ကျနော်ကြိုဆိုပါတယ်။

မတူကွဲပြားမှုဆိုတာက အင်အားဆိုတာ ကျနော်ယုံကြည်ပါတယ်။ အားသာချက်ပါ။ အားနည်းချက်မဟုတ်ပါဘူး။ ဒီလိုပြောရတာ ကျနော့်နိုင်ငံနဲ့ ကျနော့်ရဲ့ဘ၀ပေးအတွေ့အကြုံရ ကျနော်သိလာတာပါ။ ဒီခရီးစဉ်ကြောင့် လူတွေအများစုကို အားကျစေမယ်။ ဒီနိုင်ငံအနေနဲ့ပြုပြင်ပြောင်းလဲမှုတွေကို အောင်အောင်မြင်မြင်လုပ်နိုင်လား၊ မလုပ်နိုင်ဘူးလားဆိုတဲ့ စမ်းသပ်မှုကြီးလည်းဖြစ်တယ်။

မြောက်ကိုရီးယားခေါင်းဆောင်တွေကို ရွေးချယ်စရာ ကမ်းလှမ်းချင်ပါတယ်။ နူကလီးယားလက်နက်တွေကို စွန့်လွှတ်ပြီး ငြိမ်းချမ်းမှုနဲ့တိုးတက်မှုလမ်းကြောင်းပေါ် တက်လှမ်းလာခဲ့ပါ။ အမေရိကန်ဘက်က လက်ကမ်းကြိုဆိုပါ။ ၂၁ ရာစုမှာ တောင်မြောက်ကွဲပြားမှုတွေကို ဆက်စွဲစရာမလိုပါဘူး။ အဲလိုကမ္ဘာမျိုးကို သမိုင်းဝင်ရန်ကုန်ခရီးကနေ စတင်တည်ဆောက်လို့ရပါပြီ။ ဒီနိုင်ငံအနေနဲ့ အများကြီး ၀ိုင်းပစ်ပယ်ခံခဲ့ရပါတယ်။ အခုတော့ ဒီနိုင်ငံက ပြနိုင်တာက အစကောင်းမှုရဲ့ စွမ်းအားပါ။ ဒီမိုကရေစီလမ်းကြောင်းပေါ်လျှောက်လှမ်းရာမှာ ဖွံ့ဖြိုးတိုးတက်မှုတွေကိုပါ တပါတည်း တွဲယူသွားနိုင်တာကို ပြနိုင်တာပဲဖြစ်ပါတယ်။

ဒီနိုင်ငံထဲမှာ ခင်ဗျားတို့ ရနေတဲ့ အခွင့်အလမ်းတွေကို မရဘဲ ဆုံးရှုံးနေရသူတွေ မရေမတွက်နိုင်အောင် ရှိတယ်ဆိုတာ သိထားလို့ပါ။ လျှပ်စစ်မီးမရတဲ့သူတွေ၊ လွတ်မယ့် ရက်ကိုစောင့်ဆိုင်းနေတဲ့ ယုံကြည်ချက် အကျဉ်းသားတွေ၊ မျှော်လင့်ချက်တွေ အလှမ်းဝေးနေတဲ့ နေရပ်ပျောက်ဆုံးနေတဲ့ ဒုက္ခသည်တွေ၊ ထွက်ပြေးနေရသူတွေလည်း စခန်းတွေမှာ ဆက်ရှိနေပါတယ်။ ဒီနေ့ပြောပါရစေ၊

ဒီနေ့ဒီနိုင်ငံမှာရှိတဲံ ပြည်သူအားလုံးကိုလည်း ပြောချင်ပါတယ်။ အမေရိကန်ပြည်ထောင်စုအနေနဲ့ မြန်မာပြည်သူတွေနဲ့ ဆက်ပြီး ရပ်တည်သွားမယ်။ မြန်မာပြည်သူတွေ ဖြစ်ပျက် ခံစားရတာတွေ ကျနော်တို့ခေါင်းထဲမှာရှိ်နေပါတယ်။ ပြည်သူတွေရဲ့ မျှော်လင့်ချက်တွေလည်း ကျနော်တို့ရဲ့ နှလုံးသားထဲမှာ ကိန်းဝပ်နေပါတယ်။ ဘာကြောင့်လဲဆိုတော့ ၂၁ ရာစုမှာ နည်းပညာတွေ တိုးတက်လာတာ၊ နိုင်ငံတွေကြားက အတားအဆီးတွေ ပြိုလဲသွားတာတွေကြောင့် လွတ်လပ်မှုရဲ့ရှေ့တန်းနယ်မြေတွေက နိုင်ငံအတွင်းမှာပဲ ရှိနေပါတယ်။ နိုင်ငံရေးအကျဉ်းသားဟောင်းတဦးကပြောပါတယ်။ နိုင်ငံရေးဆိုတာ ပြည်သူတိုင်းရဲ့အလုပ်ပါ။ နိုင်ငံရေးသမား တွေရဲ့အလုပ်သက်သက်မဟုတ်ပါဘူး။ နိုင်ငံသားတဦးကောင်းဖြစ်ဖို့ အဲဒီအချက်ရှိဖို့လိုပါတယ်။တာဝန်သိတဲ့ နိုင်ငံသားတွေဖြစ်ဖို့။ အခုလို ထူးခြားတဲ့ကာလ စိန်ခေါ်ချက်တွေအများကြီးရှိနေပေမယ့် အပြောင်းအလဲ မဖြစ်နိုင်ဘူးလို့ ထင်ကောင်းထင်နိုင်ပါတယ်။ နောက်ဆုံးကျရင် ရလာမယ့် လွတ်လပ်မှုအတိမ်အနက်ကို အဆုံးအဖြတ်ပေးရမှာက မြန်မာပြည်သူတွေကိုယ်တိုင်ပဲဖြစ်ပါတယ်။

ဘာကြောင့်လဲဆိုတော့ တဦးချင်စီတိုင်းမှာကို စစ်မှန်တဲ့တော်လှန်ရေး၊ ပြောင်းလဲလိုစိတ်တွေ စမွေးမြူပေးဖို့လိုပါတယ်။ ဒီနေရာမှာ ခေါင်းဆောင်တွေပြခဲ့တဲ့ သတ္တိမျိုးရှိ်ဖို့လိုပါတယ်။ လာမယ့် ရှေ့ခရီးလမ်းမှာ ကြီးမားတဲ့စိန်ခေါ်မှုတွေရှိနေပါတယ်။ အပြောင်းအလဲလုပ်လိုသူတွေကို ခုခံဆန့်ကျင်မယ့်သူတွေရှိလာမှာပါ။

ဒါပေမယ့်ယုံကြည်မှု အပြည်နဲ့ မြန်မာပြည်သူတွေနဲ့ ကျနော်ရပ်တည်နေပါတယ်။ ဒီနိုင်ငံမှာ ရွေ့လျားမှုတွေ၊ လှုပ်ရှားမှုတွေစတင်နေပါပြီ။ နောက်ပြန်ဆွဲလို့ မရနိုင်ပါဘူး။ ပြည်သူတွေရဲ့စိတ်အင်အားနဲ့ ဒီနိုင်ငံကို တိုးတက်အောင်လုပ်ယူပြီး ကမ္ဘာကြီးအတွက်လည်း အတုယူစရာသင်ခန်းစာဖြစ်သွားလိမ့်မယ်။ ခရီးလမ်းကြီးက ရှည်ပါသေးတယ်။ ဆက်လျှောက်ရဦးမှာပါ။ ပန်းတိုင်ရောက်မယ်လို့ ကျနော်ယုံကြည်ပါတယ်။