ရခိုင်မှာ မူလဒေသခံက ဘယ်သူလဲ | ဌေးလွင်ဦး

ရခိုင်မှာ မူလဒေသခံက ဘယ်သူလဲ | ဌေးလွင်ဦး

ပညာရေး၊ သုတေသနနဲ့ ဆက်သွယ်ရေးများ အရှိန်အဟုန်နဲ့ တိုးတက်လာတဲ့ ခေတ်ကာလမှာ- သမိုင်းကို ဗြောင်လိမ်နေသူတွေရဲ့ သိက္ခာ အများဆုံး ခံလှ နောင် ၁၀ နှစ်ပါပဲ။ အကြမ်းဖက် လူသတ်မှုများကို ဖုံးရင်း ဖိရင်း လူထုကို ဗြောင်လိမ်ရင်း- အခုတော့ တစ်ခုချင်း ၀န်ခံလာရသလို- သမိုင်းစာမျက်နှာနဲ့ သင်ရိုးများ လိမ်လည် ထား ခြင်းကိုလည်း မကြာတော့သော ကာလတစ်ခုမှာ ၀န်ခံလာရပါလိမ့်မယ်။

အခုလောလောဆယ်မှာ ဗမာစကားပြောတဲ့ ပြည်တွင်းပြည်ပ မီဒီယာများနဲ့ အာဏာပိုင်များ အမျိုးသားရေးဝါဒီ များက လူထုပညာပေး၊ သတင်းပေး များကို မောင်ပိုင်စီးထားနိုင်ချိန် ဖြစ်ခိုက် လိမ်လည်နေတာများလည်း မကြာမှီမှာ အရှက်တကွဲ ဖြစ်ရတော့မှာပါ။- ငါဆိုတဲ့ ဦးဌေးလွင်ဦးမှာ အမှန်တရားနဲ့ ပတ်သက်လာရင် လူမျိုးမရှိ ဘာသာမရှိ၊ အသားအရောင် မရှိဘူး။ သမိုင်းမှာ လူလိမ်အဖြစ်မခံနိုင်သလို- မလုပ်နိုင်တာများကို ကြွားလုံးထုတ် ခဲ့သူလည်း အဖြစ် မခံနိုင်ဘူး။ သေတယ် ဆိုတာ မဆန်းဘူးလို့ ပြတ်ပြတ်သားသား နှလုံးပိုက်ထားသူ တစ်ဦး အနေနဲ့ အမှန်ကို အမှန်အတိုင်းပဲ ဆက်လက် ပြောသွားမှာ ဖြစ်သလို- နောင်မျိုးဆက်များအတွက် အမှန်ကိုပဲ ဖေါ်ပြသွားမှာ ဖြစ်တယ်။ 

ကမ္ဘာက ဘယ်လိုလိုပြောပြော- ငါ လုပ်ချင်ရာ ငါလုပ်မယ် ဆိုတဲ့ အာဏာပိုင်များ၊ အမျိုးသားရေးဝါဒီများက မွတ်ဆလင်များနဲ့ ပတ်သက်ရင်လာရင် 82 Law ကိုပဲ ကိုင်ကိုင်နေတာများ မထူးဆန်းတော့ပါ။ ကမ္ဘာကလည်း သိနေပါတယ်။ ဒီ ဥပဒေ ကို မြန်မာနိုင်ငံမှာ ရှိတဲ့ လူမျိုးအားလုံးအတွက် တစ်ပြေးညီ သတ်မှတ်မယ်၊ သမိုင်း အမှန်ကို တစ်ကယ် ပြန်လှန်မယ် ဆိုရင်- ငါ ကိုယ်တိုင် အဲ့ဒီ ဥပဒေကို အပြည့်အ၀ ထောက်ခံသူထဲမှာ ပါဝင်မှာ ပါ။ ဒါနဲ့ ပတ်သက်ပြီး ပထမ တစ်ကြိမ်လည်း ငါပြောခဲ့ပါပြီ။

ရခိုင်မှာ အထူးသဖြင့် အပိုင်း သုံးပိုင်းရှိနေတယ်။ ဂွမြို့မှ သံတွဲထိ ရခိုင်နာမည်ခံ လူအားလုံးက မိမိကိုယ်မိမိ ဗမာ လို့ ခံယူတယ်။ ဒါပေမယ့်- အစိုးရက သူတို့ကို ဗမာ ဖြစ်တယ်လို့ ဘယ်စဉ်ကမှ အသိအမှတ်မပြုဘူး။ ရခိုင်- ရခိုင်ဘဲ မှတ်ပုံတင်မှာ ရေးခိုင်းတယ်။ လျှောက်လွှာမှာ ဖြည့်ခိုင်းတယ်။ သူတို့ဆန္ဒနဲ့ ဆန့်ကျင်ပြီး သူတို့ကို ရခိုင် အဖြစ် ခံယူခိုင်းတယ်။ ဒါဟာ လက်တွေ့ပါ။ သွားရောက် စုံစမ်းကြည့်ပါ။

သံတွဲရဲ့ မြောက်ဘက်ပိုင်းကစ စစ်တွေနယ်လောက်ထိ လူတွေက ရခိုင်လူမျိုးလို့ ခံယူတယ်၊ ခံစားတယ်။ ဒါပေမယ့် အဲ့မှာ ၂ ပိုင်းရှိနေသေးတယ်။ တောင်ပိုင်းရခိုင်နဲ့ မြောက်ပိုင်းရခိုင် ဆိုတဲ့ ခံစားချက် ဖြစ်ပါတယ်။ တောင်ကုတ်မှ ကျောက်ဖြူထိ ရခိုင်များက တောင်ပိုင်းရခိုင် အဖြစ်ခံယူပြီး- မြေပုံမှ စစ်တွေ၊ ရသေ့တောင်ထိ ရခိုင်များက မြောက်ပိုင်းရခိုင်များလို့ ခံယူထားပါတယ်။ ပြည်တွင်းပြည်ပ ရခိုင်အဖွဲ့အစည်းများမှာ တောင်ပိုင်း ရခိုင်များကို ဘယ်စဉ်ကမှ ဥက္ကဌရာထူး အပါအ၀င် ဆုံးဖြတ်ခွင့်ရှိ ရာထူးများကို မပေးခဲ့ပါ။

မြောက်ပိုင်း ရခိုင်တွေထဲမှာ မွတ်ဆလင်တွေက သီးခြား ဖြစ်နေတယ်။ အဲ့ဒီ မွတ်ဆလင်တွေက သူတို့ကိုယ် သူတို့ ရိုဟင်ဂျာ လို့ ခံယူတယ်။ သူတို့ဟာ ရှေးဟောင်း မာဂဓ အင်ပါယာက ဘန်ဂါလီ စာပေနဲ့ စကား လွှမ်းမိုး ခဲ့ရာ ဒေသဖြစ်ပြီး အဲ့ဒီ ဘာသာစကားကိုပဲ ဆက်လက်ပြောဆိုတယ်။ ဒါကြောင့် သူတို့ထဲက တစ်ချို့က သူတို့ ကိုယ်သူတို့ ဘန်ဂါလီ လို့ ပြောဆိုတယ်။ (ဂွ မြို့နယ် ကျောက်ချွန်ကျေးရွာမှ သံတွဲ မြို့အလယ်ထိ ရခိုင်များ သူတို့ ကိုယ်သူတို့ ဗမာ ဖြစ်တယ်လို့ ခံယူသလိုမျိုး ဖြစ်တယ်။)- မြန်မာနိုင်ငံရဲ့ ကျန်ပြည်နယ်တွေ ဖြစ်တဲ့ မွန်ပြည်နယ်၊ ကရင်ပြည်နယ်၊ ချင်းပြည်နယ်၊ ရှမ်းပြည်နယ် မှာ ရှိတဲ့ ဗမာများကိုတော့တော့- ဘယ်စဉ်ကမှ မွန်အဖြစ်၊ ကရင် အဖြစ်၊ ရှမ်း အဖြစ် မသတ်မှတ်ဘဲ- ရခိုင်နေ ဗမာများကိုတော့ ဗမာ အဖြစ် ခံယူခွင့် ပေးမထားသလို၊ အတင်း အဓမ္မ ရခိုင် အဖြစ်သာ ခံယူစေခဲ့တယ်။--

တစ်ခြားတစ်ဘက်မှာ ရခိုင်မြောက်ပိုင်းရဲ့ မူလဇစ်မြစ် လူမျိုး ဖြစ်တဲ့ ရိုဟင်ဂျာများထဲက တစ်ချို့က သူတို့ ပြော ဆိုရာ စကားအလျှောက် ဘန်ဂါလီ ဆိုတဲ့ အမည်နာမကို အတင်းထိုးထည့်ပေးနေတော့တယ်။

ဒီနေရာမှာ- ရိုဟင်ဂျာတွေဟာ ရခိုင်နယ်ရဲ့ မူလဇစ်မြစ် လူမျိုး ဖြစ်ကြောင်း ငါ အခိုင်အမာ ပြောနိုင်တဲ့ အချက် တွေ ရှိနေတယ်။ ရခိုင်စကား ဆိုတာ ဗမာ စကားတစ်မျိုးပါ။ တနည်းအားဖြင့် ရှေးဟောင်း ဗမာစကားထဲက တစ် မျိုးလို့ ပြောနိုင်သလို- အဲ့ဒီ စကားပြော လူမျိုးနဲ့ ရှေးဟောင်း ဘန်ဂါလီ စကားပြောလူမျိုး ဒီနှစ်မျိုးဟာ ဘယ်သူ က အရင် ရခိုင်နယ်ထဲကို ရောက်လာခဲ့သလဲ- ဆိုတာကို ဆန်းစစ်ဘို့ လိုပါတယ်။ သုတေသန လုပ်ဘို့ လိုပါ တယ်။

အကြမ်းအားဖြင့် မြန်မာအင်ပါယာကို စတင် ထူထောင်ခဲ့တဲ့ ပုခံခေတ်က လို့ ဆိုနိုင်ပါတယ်။ ပုဂံခေတ် ဆိုတာ လွန်ခဲ့တဲ့ နှစ်တစ်ထောင်ဝန်းကျင်ကသာ ဖြစ်ပါတယ်။ ရခိုင်သမိုင်းက နှစ်ပေါင်း ၅၀၀၀ ကျော်ပြီလို့ ရခိုင်သမိုင်း ဆရာတိုင်းက ၀န်ခံထားခဲ့ပါပြီ။ (ပုဂံခေတ် မတိုင်မှီက ရှေးဟောင်း ဗမာစကားပြော လူသားတွေ ရခိုင်နယ်ထဲကို ရောက်ကောင်း ရောက်နိုင်ပါတယ်။ ဒါပေမယ့် ဟိုတစ်စု ဒီတစ်စုလောက်သာ ဖြစ်နိုင်ပါတယ်။) 

ရခိုင်ရာဇ၀င် ကျောက်စာများကို ပြန်လှန်ကြည့်ပါ။ ဘယ်စာပေနဲ့ ရှေးခဲ့ပါသလဲ။ တူးဖေါ်ရရှိထားတဲ့ ရှေးအကျ ဆုံး ရခိုင်ကျောက်စာများကို ရခိုင်စာပေပညာရှင်များကို ဖတ်ခိုင်းကြည့်ပါ။ ဖတ်မတတ်တော့ အဆုံးမှာ- ရိုဟင်ဂျာ ကျေးရွာတိုင်းမှာ ပူတီး (ရှေးဟောင်း ဘန်ဂါလီ အက္ခရာနဲ့ မှတ်တမ်းတင်ထားတဲ့ လင်္ကာများ)ကို ဖတ် တတ်သူကို အဲ့ဒီ ကျောက်စာကို ပေးလိုက်ပါ။ သူ ဖတ်ပြီး ဘာသာပြန်ပေးလိုက်ပါလိမ့်မယ်။ ရိုဟင်ဂျာ ရွာတစ် ရွာမှာ အနည်းဆုံး ပူတီး ဖတ်တတ်သူ တစ်ဦးစီတော့ စဉ်ဆက် ကျန်ရှိနေပါတယ်။

ဒါဆိုရင်- ရခိုင်နန်းသုံးမှတ်တမ်း၊ ရခိုင်နယ်က ရှေးအကျဆုံး ကျောက်စာများကို ဘယ်သူတွေက မှတ်တမ်းတင် ခဲ့ပါသလဲ။ လက်ရှိ ရခိုင်လို့ ခံယူနေတဲ့ ရှေးဟောင်း ဗမာစကားပြော လူမျိုးစုထဲက ပညာရှင်များက မှတ်တမ်း တင်ခဲ့ပါသလား။ သုိ့မဟုတ် ရှေးဟောင်း ဘန်ဂါလီ စကားပြော လူမျိုးစု ဖြစ်တဲ့ ရိုဟင်ဂျာများက မှတ်တမ်းတင် ခဲ့ပါသလား- ကွဲပြားသွားပါလိမ့်မယ်။

အဲ့ဒီခေတ်က ရခိုင်နယ်မှာ ပူတီးကို မှတ်တမ်းတင်တဲ့ စာပေအက္ခရာကို သုံးခဲ့တယ် ဆိုရင်- ရခိုင်နယ်က ရှေး ဟောင်းလူမျိုးက ရိုဟင်ဂျာ ဖြစ်သလား- လက်ရှိ ရခိုင်လို့ ခံယူသူများ ဖြစ်သလား- ဆင်ခြင်နိုင်မယ် ထင်ပါတယ်။ ပူတီးစာပေကို မသုံးတဲ့ လူမျိုးများသာ ရခိုင်မှာ ရှိနေတယ်။ ဘုရင့်မှတ်တမ်းများကို ကျောက်ထက် အက္ခရာ တင်ဘို့လောက်ပဲ ပူတီးစာပေ တတ်မြောက်တဲ့ ပညာရှင်များကို ပင့်ယူပြီး မှတ်တမ်းတင်ခိုင်းခဲ့တယ် ဆိုရင် လည်း- ယုတ္တိက အလွန်မဲ့နေပါလိမ့်မယ်။ လူတွေဟာ ကိုယ့်လူမျိုးအတွက် ကိုယ့်စာပေကိုပဲ သုံးစွဲခဲ့ကြတာပါ။

ရခိုင်စာပေ လို့ခေါ်တဲ့ ပူတီးဇတ်ပျက် အက္ခရာတင် စာပေများနဲ့ မှတ်တမ်းက ရခိုင်ကျောက်စာတွေထဲမှာ အလွန့် အလွန် နောက်ကျတဲ့ ကျောက်စာများသာ ဖြစ်ပါတယ်။- ကျောက်စာပညာရှင်များ သမိုင်းပညာရှင်များ သေချာ အောင်လေ့လာလိုက်ပါ။ ပြီးမှ- ရိုဟင်ဂျာနဲ့ အခုပြောနေတဲ့ ရခိုင် ဘယ်သူတွေက ရခိုင်နယ်ရဲ့ ဇစ်မြစ်လူမျိုး ဖြစ် သလဲ။ ဘယ်သူတွေကို 82 Law နဲ့ ဆုံးဖြတ်သင့်သလဲ- အနုလုံ ပဋိလုံ ဆင်ခြင်လိုက်ပါ-လို့ သတိပေးပါရစေ။

အစ္စလာမ် သာသနာကို ကူးပြောင်းလိုက်လို့ မတရားသဖြင့် အနိုင်ကျင့်မယ် ဆိုရင်တော့---၊ ဆက်လက် အနိုင် ကျင့်နေသူများ အားလုံး- နောက်ဆက်တွဲ တရားခံများထဲမှာ ပါသွားပါလိမ့်မယ်။

ဌေးလွင်ဦး

ဦးဆောင်လှုပ်ရှားမှု တာဝန်ခံ

မြန်မာမွတ်ဆလင် တန်းတူညီမျှ အခွင့်အရေး လှုပ်ရှား ဆောင်ရွက်မှု အဖွဲ့